Ni rahisi kuona kwanini mpira wa miguu ndio mchezo maarufu zaidi ulimwenguni. Unaibua hisia za shauku, kutengeneza kumbukumbu za kudumu, na unaweza kusaidia kuwaleta watu pamoja kwa namna ambayo shughuli nyingine chache sana ndio zinaweza. Lakini kuna mechi fulani kwa kipekee ndio huvutia –kupitia drama zake, ari, au matukio ya kustaajabisha kiwanjani.
Kutoka Mbappe alivyokiwasha kwa kiwango chake cha hali ya juu dhidi ya Argentina huko Qatar 2022 hadi kambaki ya Liverpool wakiwa nyuma 3-0 dhidi ya AC Milan jijini Istanbul, ikiwa bado unapata mishawasha pindi ukisikia kumbukumbu hizo miongo na miongo baadae. Hii ilikuwa ni michezo ambayo itadumu kwenye historia milele. Hivyo tafadhali kaa kitako na tulia ufurahie safari hii ya kumbukumbu tunavyoziangazia baadhi ya mechi kali zaidi za mpira wa miguu kwa muda wote!
Yaliyomo
1. Manchester United vs. Bayern Munich (1999)
Fainali ya Ligi ya Mabingwa
Fainali hii ya Ligi ya Mabingwa ilishuhudia ushindi wa Manchester United dhidi ya Bayern Munich huku Teddy Sheringham akifunga goli lisilosahaulika la dakika za lala salama kabla ya Ole Gunnar Solskjær hajatetea ushindi kwa bao jingine muda mfupi baadae hatua chache toka golini na Manchester United kupata ushindi wa 2-1 – kuwafanya mabingwa wa Ulaya kwa mara ya pili katika historia!
2. AC Milan vs. Liverpool (2005)
Fainali ya Ligi ya Mabingwa
Fainali ya Ligi ya Mabingwa UEFA 2005 kati ya AC Milan na Liverpool itakuwa moja ya michezo inayokumbukwa zaidi katika historia ya soka. Timu hizi mbili zilikuwa na wachezaji wenye vipaji vinavyofanana, na mechi hii ilikuwa na nguvu ya kuburudisha ambayo haikuwahi kuonekana kabla. Mechi hii ya kusisimua iliishuhudia Liverpool ikitoka nyuma kwa magoli 3-0 hadi kusawazisha na hatimaye kushinda kwa mikwaju ya penati baada ya muda wa nyongeza kuisha kwa 3-3 dimba la Atatürk Olympic jijini Istanbul, Uturuki. Yalikuwa ni mafanikio makubwa ambayo yatadumu kama moja ya nyakati bora zaidi kwa Liverpool kuwahi kushuhudiwa viwanjani.
3. Argentina vs. England (1986)
Robo Fainali ya Kombe la Dunia
Mechi hii ilipewa jina la utani “The Hand of God” yaani “Mkono wa Mungu” kwa goli la utata la mkono; Diego Maradona alipachika magoli yote mawili kwenye mechi hii maarufu ambapo Argentina ilishinda 2-1 dhidi ya Uingereza kwenye dimba la Estadio Azteca jijini Mexico. Mchezo huu uliisha kwa ushindi mwanana wa 2-1 kwa Argentina, huku makosa ya mlinzi Steve Hodge’s yakipelekea kwenye goli la ushindi kwa timu mwenyeji. Yalikuwa ni matokeo yaliyosheherekewa nchini kote Argentina. Licha ya Uingereza kukata tamaa, ilionesha ni jinsi gani mchezo wa mpira wa miguu unavyoweza kuwa wa kufurahisha na kwanini unapendwa ulimwenguni kote.
4. Real Madrid vs. Atlético Madrid (2014)
Fainali ya Ligi ya Mabingwa
Fainali hii ya kuvutia iliwakutanisha wapinzani wawili wa Hispania dhidi ya kila mmoja. Baada ya dakika 90, Real Madrid ilishinda 1-0 asante kwa goli la Sergio Ramos la dakika ya 93. Mwishoni, Real Madrid waliibuka washindi baada ya dakika 120 za mpira wa miguu wa kufurahisha ambao ulishuhudia magoli kutoka kwa Sergio Ramos, Gareth Bale, Marcelo, na Cristiano Ronaldo. Ushindi huu uliwapa Los Blancos taji lao la kumi la Ulaya, dhidi ya wapinzani wao wa jiji moja Atlético Madrid. Hadi leo hii, mchezo huu unasalia kama moja ya mechi za moto zenye ushindani kuwahi kuchezwa katika historia ya soka la vilabu.
5. Barcelona vs. Paris Saint Germain (2017)
Ligi ya Mabingwa Raundi ya 16 Mechi ya Pili
Mnamo mwaka 2017, mechi kati ya Barcelona na Paris Saint Germain iliuteka ulimwengu wa michezo. Kambaki ya kibabe ilishuhudia Barcelona ikipindua kipigo cha 4–0 cha kwenye mechi ya kwanza kwa kushinda jumla ya bao 6–5 baada ya mechi ya pili. Hii ilitokana na kupaniki na kushangazwa kwa PSG na Wakatalunya hawa wanaopendwa zaidi licha ya wao PSG kuwa na baadhi ya wachezaji bora sana ulimwenguni kipindi kile.
Ilikuwa ni moja ya zile nyakati ngumu ambapo mashujaa waliibuka miongoni mwa wachezaji wasio mastaa kama Sergi Roberto, ambaye alipachika goli kali la katika dakika za majeruhi, kuifanya Camp Nou kulipuka kwa shangwe. Sherehe zilizofuatia kutoka kwa mashabiki ulimwenguni kote zilionesha ni kiasi gani mechi hii iliwagusa wakereketwa wa mpira wa miguu ulimwenguni kote, na historia yake bado ipo hadi leo.
6. Italy vs. France (2006)
Fainali ya Kombe la Dunia
Italia na Ufaransa walikuwa na fainali ya kukumbukwa ya Kombe la Dunia mwaka 2006. Timu hizi mbili zilicheza mechi ya kusisimua iliyokuwa imejawa mbinu za kimchezo. Kila timu ilichezwa kwa akili, zikicheza mpira wa miguu wa kisasa na wa kibunifu. Italia ilionesha nidhamu ya juu ya mchezo na nguvu katika kujilinda kuwazidi wapinzani wao Ufaransa mara kadhaa. Timu zote mbili zilicheza kwa kujituma kurudi tena mchezo pindi zilipozidiwa, zikidhihirisha kwanini zilistahili kuwa kwenye fainali.
Pasipo kutarajiwa, licha ya nafasi zote zilizotengenezwa wakati wa mechi, timu zote mbili zilitoka sare baada ya dakika 120 za mtanange, mikwaju ya penati ikibakia ndio njia pekee ya kuamua nani ataiwakilisha Ulaya kwenye nusu fainali. Mwishowe, Italia ilishinda, lakini hata hivyo huu ulikuwa mtanange wa viwango vya juu sana ambao ulikamata mawazo ya mashabiki wote.
7. Argentina vs. France (2022)
Fainali ya Kombe la Dunia
Ufaransa na Argentina walikutana kwenye fainali ya Kombe la Dunia nchini Qatar. Kama mechi hizi zilivyo za kusisimua, muda wa nyongeza ulikuwa wa kuburudisha zaidi kwa maana timu zote mbili zilikuwa zikisaka ushindi. Ufaransa walipata nafasi nyingi lakini hawakuwezi kuzibadili kuwa magoli. Muda huo huo, Argentina wakiwa wamekata tamaa walijaribu kuwa ving’ang’anizi hadi dakika ya mwisho wakitumainia mikwaju ya penati. Ilikuwa ni mechi yenye presha iliyohusisha magoli kwa pande zote mbili. Hatimaye, mechi hii iliishia kwenye mikwaju ya penati ambayo ilishuhudia Argentina ikishinda 4-2.
8. Netherlands vs. Spain (2010)
Fainali ya Kombe la Dunia
Mechi hii ya kombe la dunia ilishuhudia Hispania ikitawazwa kuwa mabingwa wa Kombe la Dunia kwa mara ya kwanza wakiicharaza Uholanzi 1-0 kufuatia dakika 120 za mchezo kati ya timu hizi mbili. Goli lililofungwa na Andres Iniesta lilihakikisha kuwa Hispania watakumbukwa kama moja ya timu bora sana kuwahi kusukwa. Walikuwa ndio timu ya tatu tu kushinda mashindano makubwa mfululizo kufuatia ushindi wao kwenye Euro 2008 na halafu tena mashindano haya miaka minne baadae.
9. Germany vs. Brazil (2014)
Nusu Fainali ya Kombe la Dunia
Mechi hii ilikuwa sehemu ya nusu fainali za Kombe la Dunia la mwaka 2014 lililofanyikia nchini Brazili. Ilimalizika kwa Ujerumani kushinda kwa kutoa kipigo cha goli 7-1 kwa Brazili. Lilikuwa ni tukio la kihistoria kwa sababu ilikuwa ndio mara ya kwanza kwa nchi mwenyeji kupoteza mechi ya nusu fainali ya Kombe la Dunia toka Argentina apoteze kwa Ujerumani ya Magharibi mnamo mwaka 1990. Pia lilikuwa na tukio ambalo halijawahi kutokea, kwa maana bado linachukuliwa kama ndio kipigo kikubwa zaidi katika historia ya mpira wa miguu wa kimataifa.
10. Arsenal vs. Hull City (2014)
Fainali ya Kombe la FA
Katika kile kinachodhaniwa kuwa ndio matokeo bora zaidi kwa Arsene Wenger katika mwaka wake wa 19 kama meneja. Arsenal walitwaa taji lao la kwanza tangu mwaka 2005 ambapo Aaron Ramsey alitupia goli la ushindi la muda wa nyongeza dhidi ya Hull City, na kuipa Arsenal ushindi wa 3-2 kwenye dimba la Wembley jijini London nchini Uingereza. Arsenal waliibuka kidedea, pongezi nyingi zikienda kwa kapteni wao, Per Mertesacker aliyeonyesha kiwango bora sana, kuweza kuwaadaa walinzi wa timu pinzani pindi ilipotakikana.
Hull City walifanya jitihada juu chini kuwazima Arsenal; hata hivyo, hawakuweza kutuliza nguvu ya mashambulizi makali ya Arsenal, yaliyoongozwa na Santi Cazorla, ambaye alionyesha kiwango cha juu sana na kushinda tuzo ya “Man of the Match”.
Hitimisho
Mpira wa miguu umetubariki kwa nyakati bora sana katika historia yake ndefu na ya kuheshimika. Kutoka kwenye kambaki zenye kutetemesha mioyo hadi kwenye magoli ya kipekee ya dakika za majeruhi, kamwe haijawahi kutoshea kujadili mafanikio makubwa ya kipekee yaliyofikiwa na wachezaji na timu hizi vile vile ambazo zimekuwa mashuhuri katika michezo yao, asante kwa viwango vyao katika baadhi ya mechi kubwa!
Aidha wewe ni mshabiki kindakindaki au mtu tu ambae huwa unaangalia michezo hii mara chache chache, hakuna wasiwasi kuwa mechi hizi kubwa kumi za mpira wa miguu zitabakia kuwa sehemu ya kumbukumbu zetu kwa ujumla milele!
Maswali Yanayoulizwa Mara kwa Mara
Je! Ipi Ndio Mechi Kubwa Zaidi Katika Historia Ya Mpira wa Miguu?
Mechi kubwa zaidi katika historia ya mpira wa miguu kwa ujumla inatambulika kama ile Fainali ya Ligi ya Mabingwa UEFA kati ya Manchester United na Bayern Munich mnamo mwaka 1999.
Je! Ipi Ndio Mechi ya Mpira wa Miguu Iliyotazamwa Zaidi?
Mechi ya mpira wa miguu iliyotazamwa zaidi ilikuwa ni ile ya Fainali ya Kombe la Dunia mwaka 2022 ambapo Argentina ilishinda dhidi ya Ufaransa nchini Qatar. Fainali hii ilikuwa na hadhira iliyokadiriwa kufikia watazamaji bilioni 1.5, kuifanya kuwa tukio la michezo la mara moja kuwahi kutazamwa zaidi katika historia.
Je! Ipi Ndio Mechi Kubwa Zaidi Duniani?
Mechi kubwa zaidi duniani kwa ujumla huchukuliwa ni Fainali ya Kombe la Dunia. Mechi hii imetoa baadhi ya michezo yenye kusisimua zaidi katika historia ya soka, kuifanya kuwa moja ya mechi mashuhuri zaidi ulimwenguni kote.