Mpira wa miguu ni moja ya michezo maarufu zaidi duniani, na kila mwaka unaopita, wacheza bora wanakuwa wakali zaidi. 2022/23 inaahidi kuwa msimu wa kusisimua kwa sababu baadhi ya masupastaa wanaonekana kujipanga kubakia kwenye viwango vyao wakati nyota wanaochipukia wanajaribu kujitengenezea majina.
Tumefanya utafiti na kuweka pamoja orodha yetu ya masupastaa 10 bora wa Mpira wa Miguu ambao ni lazima kuwatazama ambao ni wa tofauti miongoni mwa wenzao kwa uadilifu wao wa ajabu kikazi, kiwango chao cha ujuzi, na ubora wa kiuongozi wanaouonesha kwenye kila mechi. Aidha ni kwa kupitia michezo ya kupasiana kwa uzuri au mashuti ya kustaajabisha ya kufunga magoli – wachezaji hawa wamejithibitisha tena na tena kuwa wao ni baadhi ya vipaji ambavyo si vya kawaida kabisa kwenye tasnia yoyote leo hii.
Endelea kusoma ili kufahamu wachezaji wapi wameingia kwenye orodha hii!
Yaliyomo
Lionel Messi (Paris Saint-Germain)
Lionel Messi ni supastaa wa ulimwengu kwenye mpira wa miguu ambaye kwa zaidi ya muongo amefanya vizuri kwa mfululizo kwenye kiwango cha juu zaidi. Kwa sasa anachezea Paris Saint-Germain, ambapo anajulikana kwa kipaji na uwezo wake wa kipekee wa kutengeneza nafasi kwa ujuzi wake wa kitekniki. Kwa mguso mmoja tu wa mpira anaweza kuwafanya walinzi waonekane wajinga na kufunga kutokea pembe yoyote ya kiwanja. Shauku na ubora wake wa kiuongozi kwenye mchezo unamfanya kuwa moja ya wachezaji wanaoogopeka kwenye mpira wa miguu leo hii, hivyo sio ajabu kwamba yuko juu kwenye orodha yetu!
Lionel Messi alikiwasha kwenye Kombe la Dunia 2022, kuiongoza nchi yake kubeba kombe lao la 3 na akashinda kiatu cha dhahabu. Msimu huu, kwa hakika atakuwa sehemu muhimu ya ubora wa Paris Saint-Germain. Mshambuliaji huyu mwenye uwezo wa ajabu amekuwa akivichangamsha viwanja vya mpira wa miguu tangu alipokuwa mtoto na sasa anachukuliwa kuwa moja wa wachezaji bora waliowahi kutokea kuubariki mchezo huu.
Kylian Mbappe (Paris Saint-Germain)
Kylian Mbappe ni nguvu isiyopingika katika ulimwengu wa mpira wa miguu. Amekuwa mchezaji mwenye mafanikio makubwa tangu alipoanza kucheza rasmi soka la kulipwa katika klabu ya Monaco mwaka 2015. Amekuwa kijana ghali zaidi katika historia ya mpira wa miguu baada ya Paris Saint-Germain kulipa £166m kwa ajili yake. Matarajio ni makubwa kwa msimu wa 2022/23 kwa maana anatazamia kuendeleza utemi wake dimbani na kuisaidia PSG kufanikiwa zaidi.
Kylian Mbappe bila shaka ameacha alama yake kwenye Kombe la Dunia la 2022 nchini Qatar, akionesha ujuzi na uchezaji safi kabisa. Mshambuliaji huyu wa Paris Saint-Germain alifunga magoli nane akishinda kiatu cha dhahabu na ilibaki kidogo aiongoze Ufaransa kushinda taji lao la tatu la Kombe la Dunia.
Erling Haaland (Manchester City)
Erling Haaland ni moja ya vipaji vinavyosisimua zaidi katika ulimwengu wa mpira wa miguu. Mshambuliaji huyu wa Manchester City ameibuka kwa kasi toka alipoanza kucheza soka la kulipwa katika klabu ya Molde nchini Norway mwaka 2017. Toka kipindi hicho amekuwa moja ya wachezaji wadogo wanaofuatiliwa sana Ulaya. Haaland amejithibitisha kuwa yeye ni nguvu isiyodhibitika mbele ya goli, akifunga magoli 26 katika michezo 20 tu kwenye mashindano yote akiwa na Manchester City katika msimu wa 22/23.
Hata hivyo, uwezo wake wa kufumania nyavu ni mkubwa zaidi kuliko mpira wa klabu yake. Mshambuliaji huyu wa Norway pia alifunga magoli 6 kwa timu yake ya taifa mwaka 2022, kumfanya kuwa moja ya washambuliaji wanaoogopeka katika soka la kimataifa. Huku Manchester City wakiendelea kulifukuzia taji la Ligi Kuu msimu huu, mtegemee Haaland kuendeleza kiwango chake kinachovutia na kuwa sababu muhimu katika mafanikio yao.
Kevin De Bruyne (Manchester City)
Kevin De Bruyne amejitambulisha kama moja ya wachezaji mpira wa miguu bora zaidi ulimwenguni, na msimu wake wa 2022/23 utakuwa wa moto. Kiungo huyu wa Manchester City anatoka katika mashindano mawili ya kuvutia ambayo yalimshuhudia akishinda tuzo mbalimbali, ikihusisha tuzo ya Mchezaji wa Mwaka wa PFA kwa misimu ya 19/20 na 20/21. Kiwango chake kimekuwa ni cha kuvutia msimu huu.
Kiungo huyu Mbelgiji amekuwa sehemu ya muhimu katika mafanikio ya Manchester City katika miaka ya karibuni akionesha ubunifu na kutoa pasi za magoli wa wachezaji wenzake kwenye timu uwanjani kote.
Jicho lake katika kupiga pasi halifananishwi, na anaweza kwa urahisi kuchagua wanatimu wenzake katika hali ngumu. De Bruyne pia ana bahati ya kufunga magoli nje ya kumi na nane na kwa mfululizo hulitishia lango la wapinzani. Kwa uwezo na uongozi wake wa hali ya juu, muangalie De Bruyne kama mtu atakayekuwa mstari wa mbele katika kuwania taji la Manchester City msimu huu.
Neymar (Paris Saint-Germain)
Neymar alikuwa na msimu wa kuvutia mwaka 2022/23, akiimarisha hadhi yake ya kuwa moja ya wachezaji mpira wa miguu bora zaidi ulimwenguni. Nyota huyu ya Kibrazili amekuwa sehemu muhimu ya kikosi kinachoanza kilabuni Paris Saint-Germain, akichangia idadi ya magoli, na pasi za magoli uwanjani kote. Kipaji chake kilionekana kwenye Kombe la Dunia mwaka 2022 nchini Qatar, ambapo alikuwa sehemu muhimu ya mbio za Brazili kuelekea robo fainali.
Mshambuliaji huyu wa Kibrazili ni kipaji cha kipekee, mwenye uwezo wa kuwaadaa walinzi kwa ufundi na ujuzi wake kwenye mpira. Ana jicho makini awapo golini, mara nyingi akifunga magoli ya kipekee akiwa nje ya kumi na nane. Neymar pia anaweza kuwatambua wanatimu wenzake kwa ufanisi mkali kutoka katika nafasi yoyote uwanjani, kitu kinachomfanya kuwa mchezeshaji hatari. Huku PSG ikipambana kuwa na mafanikio zaidi msimu huu, Neymar atakuwa sababu muhimu katika mafanikio yao.
Luka Modric (Real Madrid)
Luka Modric ni moja ya wachezaji wanaotambulika zaidi ulimwenguni; kila msimu unaopita, umaarufu na kipaji chake kinaendelea kukua. Msimu wa 2022/23 hautakuwa wa tofauti, kwa maana kiungo huyu wa Real Madrid anaonekana kujipanga kuendelea kubakia kwenye kiwango cha juu mchezoni ndani na nje ya uwanja.
Katika uchezaji wake wote, Modric amekuwa akitambulika kwa uwezo wake wa kudhibiti kasi ya mchezo na kutengeneza fursa baina ya wanatimu wenzake. Pia yeye ni mpiga pasi, mpiga mashuti, na mlinzi mzuri, vitu vinavyomfanya kuwa moja ya wachezaji waliokamilika ulimwenguni.
Luka Modric ni moja ya wachezaji mpira wa miguu wanaoimbwa na wenye vipaji ulimwenguni na mashabiki ulimwenguni kote walishangazwa na kiwango chake kwenye Kombe la Dunia mwaka 2022 nchini Qatar. Miguu yake myepesi, ujuzi wake mkubwa wa kupiga pasi, maono yake ya kiubunifu, na akili yake ya kiufundi bila shaka vitamfanya kuwa mchezaji muhimu kwenye timu ya taifa ya Croatia.
Vinicius Junior (Real Madrid)
Vinicius Junior ni moja wa wachezaji mpira wa miguu wadogo zaidi ulimwenguni. Tayari ameshajitengenezea jina kama moja ya vipaji tarajiwa katika mchezo huu. Kwa msimu wa 2022/23, anatarajiwa kuwa mtu wa muhimu kwenye nafasi ya kiungo kwa Real Madrid, akitoa muonekano nyumbulifu kwa utembeaji na mpira wenye ubunifu, kupiga pasi, na kupiga mashuti. Akiwa na miaka 22 tu, Vinicius Junior ametoa mchango mkubwa kwenye timu ya Madrid.
Pia anatambulika kwa kasi yake inayovutia, ufundi, na uwezo wa kutengeneza nafasi katika nyakati ngumu. Kiwango chake katika msimu unaokuja kitakuwa cha kuvutia. Vinicius Junior alikuwa miongoni mwa wachezaji wanaofuatiliwa zaidi kwenye Kombe la Dunia mwaka 2022.
Robert Lewandowski (Barcelona)
Robert Lewandowski bila shaka ni moja ya wachezaji mpira wa miguu wenye kipaji zaidi ulimwenguni na nguvu ya kutambulika uwanjani. Msimu wa 2022/23 utakuwa vile vile kwa maana mshambuliaji huyu wa Kipolandi anaonekana kujipanga kuendeleza kiwango chake cha kuvutia kwa Barcelona.
Lewandowski amefikia mafanikio ya kipekee tangu alipojiunga na Barcelona, akifunga idadi ya kuvutia ya magoli, akitengeneza nafasi kwa ajili ya wachezaji wenzake, na akituhakikishia kuwa yeye ni moja ya washambuliaji waliokamilika ulimwenguni. Uwezo wake wa juu wa kuunganisha wachezaji wengine mchezoni, ujuzi wake wa juu wa kumalizia, na uwezo wa kuruka vichwa vinamfanya kuwa mchezaji wa kipekee ambaye anaweza kubadili mchezo kwa haraka.
Jamal Musiala (Bayern Munich)
Jamal Musiala ni moja ya wachezaji wadogo wanaosisimua katika ulimwengu wa soka. Msimu wa 2022/23 utakuwa mwaka wa mafanikio makubwa kwa kiungo huyu wa Bayern Munich. Baada ya kuingia mchezoni mwaka 2020, Musiala kwa haraka amejitambulisha kama moja ya nyota makini Ulaya. Anaonekana kajipanga kufikia hata mafanikio makubwa mwaka 2022/23.
Akiwa na miaka 19, Musiala tayari ni tishio kwenye Bundesliga kwa mchezo wake wa ujuzi na ubunifu. Maono yake ya kuvutia yanamruhusu kutafuta nafasi za hatari uwanjani na kutengeneza nafasi za kupachika mabao kwa wachezaji wenzake. Yeye mwenye pia ana jicho la mwewe kwenye kufunga, kama ilivyoshuhudiwa kwa mashuti yake ya moto ya kushtukiza dhidi ya Schal.
Jamal Musiala ni moja ya wachezaji wadogo wanaosisimua katika ulimwengu wa soka na kwa uhakika atakuwa staa wa Kombe la Dunia mwaka 2022 nchini Qatar. Kwa miguu yake myepesi, ujuzi wake wa kupiga pasi wa hali ya juu, maono ya kiubunifu, na akili ya kiufundi, Musiala ana uwezekano wa kuwa mpindua meza wa kweli kwa timu yoyote kwenye mashindano.
Achraf Hakimi (PSG)
Achraf Hakimi ni mchezaji mwingine wa viwango vya juu ambaye anaonekana kujipanga kung’aa katika msimu wa 2022/23. Mlinzi huyu mwenye kipaji tayari amethibitisha uwezo wake kwenye baadhi ya vilabu bora barani Ulaya, kama vile Real Madrid na Borussia Dortmund. Kwa sasa amejiunga na PSG katika msimu huu wa kiangazi. Kasi yake ya kipekee, uwezo wa kiufundi, umakini wa kushambulia, na uwezo wa kulinda vimempa wafuasi wengi wanaomsujudu katika ulimwengu wa kabumbu.
Hakimi anatarajiwa kuwa moja ya wachezaji muhimu kwenye kikosi cha PSG msimu huu. Kasi yake ya ajabu na ujuzi wake wa kulinda vitamsaidia kubakia katika moja ya timu imara barani Ulaya. Pia atakuwa tegemeo muhimu katika kindumbwendumbwe cha Ligi ya Mabingwa. Ataweza hata kunyanyua nao ndoo msimu huu. Bila shaka mashabiki watakuwa wakiyaangalia kwa ukaribu maendeleo ya Hakimi kilabuni PSG na kumshangilia kuelekea mafanikio katika msimu wa 2022/23.
Mchezaji huyu wa kimataifa wa Moroko bila shaka ni moja ya wachezaji waliokuwa wa kusisimua katika Kombe la Dunia la 2022 nchini Qatar. Anaweza kuja kuwa supastaa mkubwa zaidi mwishoni mwa msimu. Ana uwezo wote wa kuwa mchezaji mpira wa miguu mkubwa sana ulimwenguni, na 2022/23 inategemewa kuwa kampeni ya kusisimua kwake.
Muhtasari
Mpira wa miguu ni moja ya michezo maarufu ulimwenguni, na kila mwaka unaopita, wachezaji bora wanazidi kuwa mafundi zaidi. 2023 utakuwa msimu wa kusisimua kwa maana masupastaa waliopita wanaonekana wamejipanga kudumisha viwango vyao wakati mastaa chipukizi wanajaribu kujitengenezea majina. Tumetafiti na kuweka pamoja orodha yetu ya masupastaa wa mpira wa miguu 10 bora ambao ni lazima kuwatazama ambao wako tofauti na wachezaji wenzao.
Maswali Yanayoulizwa Mara kwa Mara
Je! Nani Ndiye Mchezaji Namba 1 Katika Mpira wa Miguu kwa Sasa?
Mchezaji Namba 1 katika mpira wa miguu kwa sasa bila ubishi ni Lionel Messi. Mshindi huyu wa Ballon d’Or mara 6 amekuwa mtemi tangu siku zake za mwanzo akiwa Barcelona, ambapo amejitambulisha kama mchezaji mpira wa miguu shujaa zaidi kwa kizazi hiki na moja ya manguli kuwahi kucheza mchezo huu. Kwa ujuzi wake wa kuvutia wa kukokota mpira.
Je! Kina Nani Ndiyo Wachezaji 10 Bora Ulimwenguni?
Lionel Messi, Kylian Mbappe, Erling Haaland, Kevin De Bruyne, Neymar, Luka Modric, Vinicius Junior, Robert Lewandowski, Jamal Musiala, and Achraf Hakimi.
Je! Nani Ndiye Mfungaji wa Magoli Zaidi Ulimwenguni?
Mfungaji magoli bora zaidi ulimwenguni wa muda wote bila shaka ni Cristiano Ronaldo.
Je! Nani Ndiye Mchezaji Bora Kuwahi Kutokea?
Mdahalo juu ya nani ndiye mchezaji bora zaidi wa mpira wa miguu wa muda wote utaendelea, wengi wakitaja majina tofauti tofauti kama machaguo yao. Lakini jina moja ambalo linasimama miongoni mwa mengine ni Lionel Messi. Gwiji huyu wa Argentina ameacha alama ya pekee kwenye michezo, akiwa na orodha ya mafanikio yasiyo na mpinzani.